Misli Premyer Liqasının Zəfər turunda "Şəfa" ilə qarşılaşan "Araz-Naxçıvan"ın bas məşqçi Yuri Maksimovun mətbuat konfransında səsləndirdiyi fikirlər: "Hər iki komanda "döyüşdü". Heyətimizdə itkilər var idi. Zədəli futbolçularımızın çox olması heyət qurmaqda çətinlik yaratdı. Oyunun heç-heçə başa çatmasına rəğmən razı qaldım. Hər dəfə öz səhvlərimizdən sadə qollar buraxırıq. Ehtiyat skamyamız kasad olduğuna görə dəyişiklik edə bilmədik. Qarşıda iki həftəlik fasilə var və ümid edirik ki, zədəli futbolçularımız sağalıb bizə qoşulacaq. Bu arada Azərbaycan xalqını "Zəfər  günü" münasibəti ilə təbrik edirəm. Hazırda Ukraynada müharibə davam edir və bunun nə demək olduğunu yaxşı bilirəm".